Mag-utol na bibili ng motor, dinedbol

MANILA, Philippines — Namatay noon din ang magkapatid nang sila ay pagbabarilin ng nag-iisang gunman habang naglalakad patungo sa bilihan ng motorsiklo, kamakalawa ng hapon sa hangganan ng Brgy. Inug-ug at Poblacion, Pikit, North Cotabato.

Ang nasawing magkapatid ay kinilalang sina Haizon Lauban Wahab at Bai Puti Lauban Wahab, kapwa nasa tamang edad at residente ng Poblacion Dalican, Datu Odin Sinsuat, Maguindanao.

Sa ulat, ala-1:40 ng hapon ay sinasabing bibili lang ng motorsiklo ang magkapatid na noon ay sakay ng motorsiklo nang sila ay pagbabarilin sa nasabing lugar.

Naniniwala ang pa­mil­ya ng mga biktima na panghoholdap ang motibo sa krimen dahil may dalang pera ang magkapatid na pambili sana umano ng motorsiklo.