Manager tinodas ng riding-in-tandem
MANILA, Philippines — Namatay habang ginagamot sa ospital ang isang operations manager ng isang transport company nang ito ay pagbabarilin ng dalawang lalaki na sakay ng isang motorsiklo kamakalawa ng hapon sa Tondo, Maynila.
Ang nasawi ay kinilalang si John Patrocinio, 46, may-asawa, operation manager ng Power V Marine Transport Services at nakatira sa Villa Corazon Condo, 2nd Street, Brgy. 638 Concepcion Aguila, Mendiola, Maynila.
Tumakas ang dalawang salarin na nakasuot ng asul na jacket at maong na pantalon na sakay ng isang asul na Nmax type scooter na walang plaka at armado ng baril.
Sa ulat, bago naganap ang pamamaril, alas-4:40 ng hapon sa harapan ng isang gasolinahan sa kanto ng Mel Lopez Blvd. at Pier 18, Brgy. 101, Tondo ay minamaneho ng biktima ang kaniyang maroon na Toyota Revo.
Pagsapit sa gasolinahan ay dinikitan siya ng mga salarin at pinagbabaril. Mabilis na humarurot sa pagtakas ang mga salarin.
Blangko pa ang mga pulis sa pagkakakilanlan sa mga salarin at motibo ng pamamaslang.
- Latest