Duterte sa health workers: Manatili muna sa bansa
MANILA, Philippines — Dahil kailangan pa sila ng pamahalaan upang labanan ang coronavirus disease (COVID-19) ay umapela si Pangulong Duterte sa mga health workers na manatili muna sa bansa. “Yung iba maghintay-hintay lang kayo sandali. Kina-calibrate lang natin yung paglabas ng mga… kasi kailangan din natin yung mga tao,” lahad ni Duterte.
Saad pa nito na naiintindihan niya na kailangan kumita ng pera ang mga ito kaya’t humihiling na alisin na ang deployment ban para sa health workers.
Nanawagan din ito sa health workers na hindi pa maaaring umalis atmanatili muna sa bansa hanggang sa matapos ang pandemya.
“Sana yung iba naman will have the spirit and the fervor to serve the Filipino people because we also need help and we have a crisis also to deal with,” aniya.
Matatandaang pinayagan na ng pamahalaan ang health workers na may kumpletong dokumento na umalis ng bansa.
- Latest