Ilang lugar posibleng ilagay sa ‘new normal’ sa Oktubre
MANILA, Philippines — Ayon kay Presidential Spokesperson Harry Roque na magkakaroon ng bagong klasipikasyon sa Oktubre at posibleng ilagay sa “new normal” ang ilang lugar sa bansa na wala ng kaso ng COVID-19.
“There will be areas na mayroong zero transmission in the past month na puwede nang ideklara as under the regime of new normal,” ani Roque.
Sa ngayon, ang modified general community quarantine (MGCQ) ang pinakamaluwag na uri ng quarantine sa bansa.
Halos lahat ng lugar sa bansa ay nasa ilalim na ng MGCQ hanggang sa katapusan ng buwan samantalang nananatili sa general community quarantine (GCQ) ang Metro Manila.
Inaasahang mag-aanunsiyo si Pangulong Rodrigo Duterte nang pagbabago sa klasipikasyon ng quarantine bago magsimula ang Oktubre.
Matatandaan na dati’y idinedeklara ang pagbabago sa community quarantine tuwing ikalawang linggo pero nitong huli ay pinalawig ito at ginawang isang buwan.
- Latest