PRRD pinalawig ng 1 year ang state of calamity
MANILA, Philippines — Dahil sa COVID-19 pandemic ay pinalawig ni Pangulong Rodrigo Duterte ng isang taon ang state of calamity sa bansa.
Base sa Proclamation 1021 na nilagdaan noong Huwebes, ang pagpapalawig ay nagsimula noong Setyembre 13 at magtatagal hanggang Seytembre 12, 2021.
Subalit,nakasaad din sa proklamasyon na maaaring maagang bawiin o mapaikli ang panahon ng state of calamity depende sa sitwasyon o mangyayari.
Ang unang deklarasyon ay tumagal ng anim na buwan na unang nilagdaan noong Marso at nagtapos ngayong Setyembre.
Layunin ng ekstensiyon na mas mapabilis ang pagtugon ng national at local government at magamit ang mga kinakailangang pondo kabilang ang Quick Response Funds para sa disaster preparedness para mapigilan ang pagkalat ng COVID-19.
Makokontrol at mamo-monitor din ng gobyerno ang presyo ng mga pangunahing bilihin.
- Latest
