‘No face shield, no entry’ policy ipatutupad na sa Camp Crame
MANILA, Philippines — Simula bukas (Agosto 17), mahigpit nang ipatutupad ng Philippine National Police (PNP) ang “no face shield, no entry” policy sa lahat ng PNP personnel, civilian employees at mga bisita sa PNP Headquarters sa Camp Crame, Quezon City.
Ang hakbang ay bahagi ng health protocols ng Administrative Support to COVID-19 Operations Task Force (ASCOTF) sa ilalim ng superbisyon ni Lt. Gen Camilo Pancracius Cascolan, PNP Deputy Chief for Administration kung saan ang PNP Headquarters Support Service upang iimplementa ang direktiba upang mapigilan ang tumataas na kaso ng COVID 19.
“We appeal to all to observe health protocols for the sake of everyone’s safety against the contagion,” pahayag ni Cascolan kung saan bukod sa faceshield ay dapat ring nakasuot ng face mask. Samantalang ipinatutupad rin ang COVID free o QR Code na negatibo sa virus sa mga papasok sa Camp Crame kabilang na rin ang mga miyembro ng media.
Nitong Sabado ay inianunsyo rin ni PNP –Headquarters Support Service (PNP-HSS) sa pamumuno ni Brig. Gen. Alexander Sampaga na nanatili ang implementasyon ng curfew sa Camp Crame mula alas-10 ng gabi hanggang alas-5 ng umaga maliban na lamang sa mga PNP personnel na nakaduty sa loob ng kampo.
Nabatid pa na ang PNP Health Service ay magtatayo ng Daily Triage Area sa North Wing Parking Area para sa PNP personnel epektibo sa Agosto 15 ng taong ito.
- Latest
