Duterte ‘di uurong na maturukan ng ‘Sputnik V’
MANILA, Philippines — Tiniyak kahapon ng Malacañang na hindi umuurong si Pangulong Rodrigo Duterte sa COVID-19 vaccine na “Sputnik V” ng Russia.
Ayon kay Presidential Spokesperson Harry Roque, ang tanging sinabi lamang ng Pangulo sa Department of Science and Technology (DOST) ay magpapaturok siya pagkatapos ng third stage ng clinal trial na gagawin sa Pilipinas at Moscow.
“Hindi po siya nag-back out kung hindi sinabi lang po ng DOST na ang kauna-unahang pagkakataon na pupuwede siyang magpaturok ay May 1 ‘no, pagkatapos po ng third stage o third phase ng clinical trial na gagawin po dito sa Maynila at sa Moscow,” ani Roque.
Nilinaw ni Roque na ang paghihintay na matapos ang clinical trial ay hindi nangangahulugan na umuurong na ang Pangulo.
Matatandaan na mismong ang Pangulo ang nag-anunsiyo sa publiko na siya ang unang magpapaturok ng bakuna ng Russia.
- Latest
