Tanggalan sa LRT-1, ipinagpaliban muna

MANILA, Philippines — Ipagpapaliban muna ng Light Rail Manila Corporation (LRMC) na nangangasiwa sa  Light Rail Transit 1 (LRT-1) ang inanunsyong tanggalan ng mga empleyado sa kanilang sektor.

Batay sa pamunuan, ito ay daan para maisaayos ng kompanya ang estratehiya upang mabigyan ng suporta ang kanilang mga miyembro.

Una nang naghayag ang LRMC na magtatanggal ng 100 empleyado dahil sa pagbagsak ng kita dahil sa lockdown epektibo sa September 15.

Inatasan naman ang ibang railways katulad ng MRT3, LRT2 at Philippine National Railways na tanggapin ang mga mawawalan ng trabaho sa LRT1.

Iniulat din ng LRMC na isasailalim sa  swab test ang mga tauhan mula August 14 hanggang  19  bilang bahagi ng paghahanda  sa pagbabalik-serbisyo ng LRT 1 oras na matanggal na ang MECQ sa MMLA sa August 18.