WHO pag-aaralan ang bisa ng Russian vaccine
MANILA, Philippines — Nais munang pag-aralan ng World Health Organization (WHO) ang pagiging epektibo at ligtas ng bakuna na nalikha ng Russia bago nila aprubahan ito.
“We are in close contact with the Russian health authorities and discussions are ongoing with respect to possible WHO pre-qualification of the vaccine,” ayon kay United Nations spokesman Tarik Jasarevic.
Tinawag ang bakuna na “Sputnik V vaccine” na nilikha ng Gamaleya research institute sa koordinasyon ng Defence Ministry ng Russia.
Nabatid na may 28 bakuna ang dini-debelop sa mundo kung saan anim na ang nasa Phase 3 ng clinical trials. Ang Sputnik V ng Russia ay nasa Phase 1 pa lamang umano ng clinical trials.
Sinabi ni Jarasevic na may proseso para sa pre-qualification ng mga bakuna ang WHO na kailangang makuha ng mga manufacturers para magkaroon ng ‘stamp of quality’.
Bukod dito, may kaniya-kaniya ring regulatory agencies ang mga bansa na lokal na mag-aapruba ng mga bakuna at gamot sa loob ng kanilang mga teritoryo.
Dahil dito, hindi umaasa ang Department of Health (DOH) na magkakaroon na ng bakuna sa Disyembre.
Related video:
- Latest
