P18 bilyong nalalagas kada araw ng MECQ sa NCR
MANILA, Philippines — Kung patatagalin pa ang modified enhanced community quarantine (MECQ) lalo na sa National Capital Region ay hindi na naitago pa ng Malacañang ang kaakibat na negatibong epekto nito sa kabila ng wala pa namang pasya kung ano ang susunod na quarantine protocol na ipatutupad pagkatapos ng Agosto 18.
Ito ang sinabi ni Presidential spokesperson Harry Roque, dito pa lamang sa Metro Manila ay nasa P18 bilyong piso na ang nawawala sa kada araw dahil sa MECQ.
Bagama’t mismong si Pangulong Rodrigo Roa Duterte ang nagsabing ang pinakamabisang paraan para mapababa ang numero ng virus ay patagalin ang MECQ o kaya ang ECQ, hindi na aniya talaga kakayanin pa ito ng ekonomiya.
Sa ilalim ng MECQ ay limitado pa rin ang pagbubukas ng komersiyo habang tigil din ang operasyon ng pampublikong transportasyon na ang tinatamaan ay mga tsuper ng jeep.
Giit ni Sec. Roque, kailangang magtrabaho para mabuhay na siya namang ginagawa na rin ng iba pang mga bansa.
- Latest