Pinas umangkat na ng mga gamot para sa COVID-19 patients
MANILA, Philippines — Nagsimula nang umangkat ang pamahalaan ng gamot na nasubukan ng nakapagliligtas ng buhay ng mga tinamaan ng COVID 19 at nasa kategoryang critical at severe.
Sinabi ni Chief Implementer Secretary Carlito Galvez, ang nasabing gamot ay ang Remdesivir na ginagamit umano sa mga major therapies at nakita nilang nakapagsalba na ng buhay ng COVID patient at bukod dito ay nag-iipon na rin ang pamahalaan ng high flow nasal cannula.
Ayon pa kay Galvez, maganda ang management treatment na naibibigay sa mga natamaan ng COVID kabilang na ang mga nasa critical at severe case na aniya ay nasa isang porsyento lamang at mababa aniya ang bilang ng mga namamatay at malaking bagay dito ang magandang management treatment ng health workers.
- Latest