5 barangay sa Malabon City, isinailalim sa lockdown
MANILA, Philippines — Isinailalim sa lockdown ang limang barangay sa Malabon City na magsisimula ngayon araw na magtatagal hanggang Hulyo 30, 2020 matapos na aprubahan ng Malabon City Task Force on the Management of Emerging Infectious Diseases (MCTF-MEID).
Ang rekomendasyon ng pagsasailalim sa community quarantine ng Barangay Tañong, Longos, Potrero, Tugatog, at Tonsuya ng 15 araw.
Isasara ang bahagi ng P. Concepcion at Tumariz sa Brgy. Tugatog; University Avenue Extension and Guava Street sa Brgy. Potrero; 1st, 2nd, 3rd, 4th Street at C4 Road sa Brgy. Tañong; Gozon Letre at Phase 1 sa Brgy. Tonsuya; at Block 14 A at Block 14 C sa Brgy. Longos.
Ipagbabawal ang paglabas ng mga residente sa kanilang bahay sa mga naturang lugar, maliban sa mga Authorized Persons Outside Residence o APOR tulad ng mga medical at healthworkers, at iba pang essential workers.
- Latest
