Duterte iaanunsyo bukas ang bagong quarantine protocols
MANILA, Philippines — “Posible pong Miyerkules maanunsyo ang classification dahil meron pa pong last meeting ang IATF bukas po araw ng Tuesday para sa final recommendation sa Presidente”.
Ito ang inihayag ni Presidential Spokesperson Harry Roque para sa pinal na rekomendasyon sa Pangulo, ang magiging pagbabago sa mga umiiral na klasipikasyon ng quarantine sa iba’t ibang lugar sa bansa.
Anya, bagaman at wala pang desisyon ang Pangulo, ikokonsidera pa rin ang pagtaas ng bilang ng mga nagkakaroon ng COVID-19 at hindi na dapat umasa ang Metro Manila na magluluwag ang quarantine dahil sa lumalabas na data na patuloy ang pagtaas.
Aminado naman si National Task Force (NTF) Covid-19 chief implementer Sec. Carlito Galvez Jr., na nakita nila na may mga ospital sa Maynila na napupuno na ng mga pasyente.
Sa kabilang dako, sinabi naman ni DOH Undersecretary Bong Vega na nakamonitor sila sa mga ospital sa Metro Manila ganundin sa Cebu sa gitna na rin aniya ng pagdami ng severe at moderate patients na nagpapa-admit.
Related video:
- Latest
