Pumanaw na COVID patients, puwede nang ilibing - DOH
MANILA, Philippines — Makaraan na hindi na makayanan ng mga crematorium ang pagdagsa ng mga labi na isinasailalim sa cremation ay maaari nang mailibing ang mga pasyente na nasawi sa COVID-19.
Ito ang sinabi ni Department of Health Undersecretary Maria Rosario Vergeire nang bahagyang tumaas ang deathtoll sa mga pasyenteng tinamaan ng virus.
Una nang naglabas ang pamahalaan ng panuntunan na kailangang mai-cremate ang mga bangkay ng mga nasawing pasyente sa loob ng 12 oras at dahil sa pagdami ng mga nasasawi ay nagkakaroon na ng mahabang pila sa mga crematorium na kaya lamang magsagawa ng hanggang walong cremation kada araw.
Bukod pa na nagkakaubusan na rin umano ng suplay ng urno na pinaglalagyan ng abo ng nasawi.
Ngunit para maipatupad ang paglilibing, nagbigay ng ilang kondisyon ang DOH na dapat ay ‘double-sealed’ ang bag habang ang ataul ay selyado rin.
Kapag tuluyang nailibing ay hindi na ito maaaring hukayin pa kahit na ano pa ang dahilan.
- Latest