ABC president sa Batangas itinumba
MANILA, Philippines — Bulagta ang pangulo ng Association of Brgy . Chairman (ABC) makaraang pagbabarilin sa loob ng kanyang SUV ng hindi pa nakilalang nag-iisang salarin sa Brgy. Poblacion, Ibaan, Batangas nitong Biyernes ng hapon.
Kinilala ang biktima na si Senon Portugal na idineklarang dead-on-arrival sa Queen Mary Hospital dahil sa tinamong mga tama ng bala sa iba’t ibang bahagi ng katawan.
Sa ulat, alas-3 ng hapon habang nasa loob ng kaniyang Toyota Fortuner ang biktima nang lapitan ng salarin at pagbabarilin. Ang suspect ay nakita pa ng ilang bystanders sa lugar habang tumatalilis at sumakay sa getaway na motorsiklo.
Nagsasagawa pa ng masusing imbestigasyon ang pulisya sa motibo ng krimen at sino ang responsible dito.
- Latest