5 pang tauhan ng MMDA tinamaan ng COVID-19

MANILA, Philippines — Lima pang tauhan ng Metropolitan Manila Development Authority (MMDA), ang nagpositibo sa COVID-19, dahilan upang pumalo sa 9 ang kabuuang bilang ng mga ito.

Sinabi ni MMDA Spokesperson Celine Pialago, kasalukuyang naka-lockdown ang opisina ng MMDA para sa disinfection measures.

“Ang disinfection po ay tatagal hanggang Linggo. By then po siguro pwede nang mag-back to normal ang operations lalo na po nung ilang opisina. Pero paglilinaw po, ‘yung traffic management, ‘yung mga enfor­cers po natin tuluy-tuloy pa rin po ang trabaho,” ayon kay Pialago.

Inanunsyo ng MMDA nitong Miyerkules na apat sa mga empleyado nito ang nagpositibo sa sakit.