Mag-ama itinumba ng riding-in-tandem

MANILA, Philippines — Kapwa nasawi ang mag-ama nang sila ay pagbabarilin ng riding-in-tandem suspects habang pauwi lulan ng kanilang motorsiklo sa kahabaan ng national highway sa Brgy. Daraga.Placer, Masbate kamakalawa ng hapon.

Ang mag-amang nasawi ay nakilalang sina Gil Jun-Jun Tatoy, 44; at Earl Jun Dong-Dong Tatoy, 24, pawang residente ng Brgy. Dalipe, Cawayan. Tinutugis na ang tumakas na gunmen na nakilalang sina Jimuel Dublin Naraja at Raymond Cueva Dosdos.

Sa ulat, alas-5:10 ng hapon, lulan ng kanilang motorsiklo ang mag-ama na minamaneho ng batang Tatoy pauwi sa kanilang bahay nang habulin sila ng mga suspek na lulan ng motorsiklo sa hindi malamang dahilan.

Nang abutan ang mag-ama ay nagkaroon umano nang pagtatalo hanggang nakitang pinagbabaril ng mga suspek ang mga biktima na agad namatay makaraang mapuruhan ng punglo sa iba’t-ibang bahagi ng katawan.