Machine operator nilamon ng makina

MANILA, Philippines — Hindi na umabot ng buhay ang isang 39-anyos na machine operator matapos na mawasak ang katawan nito nang lamunin ng makina sa pinapasukang pabrika, kamakalawa ng hapon sa Brgy. Maduya, Carmona Cavite.

Ang nasawi ay kinila­lang si Marvin Rivera, ng B3, L18, Carnation Street, Avelina 2, San Pedro, Laguna, machine operator ng Best Chemicals and Plastic Inc., na matatagpuan sa nasabing lugar.

Sa imbestigasyon, bago nangyari ang aksidente, alas-5:00 ng hapon sa loob ng nasabing pabrika ay kasalukuyang nagtatrabaho nang kainin ng makina at mahigit kumulang sa kalahating oras bago pa tuluyang naalis sa pagkaipit bago naisugod sa pagamutan, subalit idineklarang dead-on-arrival.