800 kilong meat products nasabat sa NAIA
MANILA, Philippines — Nasa 800 kilo ng iba’t ibang klase ng meat products na walang sanitary at phytosanitary clearance ang nakumpiska ng Bureau of Customs (BOC) matapos itong dumating sa Ninoy Aquino International Airport (NAIA) terminals kahapon.
Sinabi ni NAIA District Customs Collector Mimel Talusan, kabilang sa mga nakumpiskang meat products ay 268.2 kilograms ng karneng baboy, 196.4 kilong karneng baka, 298.22 kilong manok, at 102 kilo ng iba pang uri ng karne na dumating nang walang permits at health clearance mula sa mga African Swine Fever (ASF) infected countries.
Ayon kay Talusan, lahat ng item ay ibinigay nila sa Bureau of Animal Industry (BAI) para sa quarantine at disposal purposes upang maiwasan ang pagkalat ng virus na mapanganib sa health and food industry.
Sabi ni Talusan, pinoprotektahan nila ang lokal na industriya mula sa posibleng swine at agricultural epidemic bilang suporta sa direktiba ni Commissioner Rey Leonardo Guerrero na patuloy na i-monitor at bantayan ang border ng bansa laban sa ASF.
- Latest