CHR magbabantay sa paglabag sa karapatang pantao
MANILA, Philippines — Matapos ang paglalagda ni Pangulong Duterte sa bagong Anti-Terrorism Act, inihayag ng Commission on Human Rights (CHR) na magbabantay sila sa anumang paglabag sa karapatang pantao.
“Human rights will be upheld at all cost. This includes commitment to protect free speech, the right to dissent and petition redress for grievances, due process and presumption of innocence, and respect for human dignity and the value of human life among others,” pahayag ni CHR Spokesperson Atty. Jacqueline Ann de Guia.
Tiniyak ni De Guia ang pagkakaroon ng payapang pamumuhay ng mamamayan dahil ito aniya ay karapatan ng bawat Pilipino. Aniya, mananatiling nakamasid ang CHR sa anumang pang-aabuso at patuloy na ipaglalaban ang karapatang pantao ng sambayanang Pilipino.
Sa ilalim ng naturang batas, ang sinumang mapatunayang guilty sa kasong terorismo o kasabwat sa pagsasagawa ng terorismo ay papatawan ng parusang habambuhay na pagkabilanggo at walang parole.
- Latest