Bahay ng COVID ‘suspect’ pinadlock!
4 Baragay officials inaresto
MANILA, Philippines — Arestado ang apat opisyal ng barangay kabilang ang dalawang kagawad matapos nilang i-padlock ang isang mister na suspected coronavirus disease 2019 (COVID-19) infected sa sariling bahay nito kasama ang kanyang pamilya sa Sampaloc, Maynila, kamakalawa ng hapon.
Sa ulat kay Manila Mayor Isko Moreno, nagtungo sa tanggapan ni Special Mayor’s Reaction Team (SMaRT) chief, P/Major Rosalino Ibay ang isang Jordan So at ibinunyag ang ginawang pag-padlock at paguklong sa kaibigang si Irvin Sales, asawa nito at apat na anak na nagkakaedad ng 3, 10, 12 at 16 habang sila ay nasa loob ng kanilang tahanan.
Alas-3:30 ng hapon nang tunguhin ng grupo ni Ibay at Manila Police District-Station 4 commander, P/Lt. Colonel. John Guiagui, ang Malamig St., Sampaloc, kung saan naaresto sina Bgy. Kagawad Bobby Biason, 48, ng 1056 Malamig St.,; Brgy. Kagawad Marvin Simbahan, 27, ng 630 Batanes St.; Brgy Ex-O Ferdinand Gatdula, 56, ng 624 Batanes St. at Brgy. Tanod Epifanio Rempis, 49, ng 33 Malamig St.; pawang sa Brgy. 538, Zone 53, Distrct IV, Balic-Balic, Sampaloc. Isa pang barangay tanod na si Jesus Dela Cruz ang hinahanap pa ng mga awtoridad.
Ani Ibay, lumabag sa City Ordinance No. 8624 (discriminating against a person suspected of having COVID-19) at arbitrary detention ng Article 124 ng Revised Penal Code at Republic Act 11469 o Bayanihan Heal As One Act.
Si Sales at pamilya nito ay ipinadlock ng mga brgy. officials upang hindi makalabas at umano’y makahawa dahil sa hinihinalang may COVID-19 ang nasabing padre-de-pamilya gayung dumaan na umano siya sa swab test at nag-negatibo sa virus.
- Latest
