Ginang tinodas ng lover, bangkay itinago sa tangke ng tubig
MANILA, Philippines — Karumaldumal na kamatayan ang sinapit ng isang 29-anyos na babae matapos na tadtarin ng saksak ng kanyang lover at itinago sa loob ng tangke ng tubig sa kiskisan ng palay ang bangkay nito, kamakalawa sa Zone-5, Brgy. San Francisco, Magarao, Camarines Sur.
Ang nasawi ay nakilalang si Lorena Casitas Carinan. Habang naaresto agad ang suspek na si Salvador Balderama Asaja Jr., 28.
Sa ulat, alas-4 ng hapon nang matagpuan ng ilang residente ang duguang bangkay ng biktima na nakasiksik sa kongkretong tangke ng tubig sa loob ng compound ng pakiskisan (ricemill) ng palay.
Natukoy ang kinakasama nitong si Asaja na suspek sa pamamaslang dahil sa dalawang beses na siyang inereklamo ng biktima nang pambubugbog.
Inamin ng suspek na lagi niyang ginugulpi ang biktima sa loob ng walong taon, subalit itinanggi na siya ang pumatay dito.
- Latest
