Duterte sinertipikahang urgent ang anti-terror bill
MANILA, Philippines — Sinertipikahang urgent ni Pangulong Rodrigo Duterte ang panukalang batas na naglalayong palakasin ang Anti-Terror Law sa bansa.
Ito ang kinumpirma kahapon ni Defense Secretary Delfin Lorenzana na bago pa ang nakatakdang recess ang Kongreso sa Hunyo 5.
Ayon pa kay Lorenzana na walang basehan ang mga komento ng tutol sa panukala dahil sapat ang probisyon na magbibigay ng proteksiyon sa karapatan ng mga mamamayan.
May katapat din aniyang parusa para sa mga opisyal at miyembro ng law enforcement agencies na aabuso.
Ayon naman kay Interior Secretary Eduardo Año na matagal nang pinag-usapan na maisabatas ang panukala dahil na rin sa banta ng mga terorista kahit pa may coronavirus.
Naniniwala si Año na napapanahon ang pagsasabatas ng panukala bilang bahagi nang paghahanda sa pagbalik sa normal na pamumuhay pagkatapos ng problema sa COVID-19.
- Latest
