DOH: 95K contact tracers kailangan sa COVID-19
MANILA, Philippines — Inihayag ni Health Undersecretary Maria Rosario Vergeire na nangangailangan pa rin ang bansa ng 95,000 contact tracers sa gitna ng coronavirus disease o COVID-19 pandemic.
Aniya, ang ideal number ng contact tracers ay isa sa kada 800 indibidwal.
“Ang standard po na kailangan po natin ay 126,000. [Pero] mayroon na po tayong 38,000 na contact tracers galing sa local goverment units. Iyong 95,000 [na contact tracers], ‘yun ang kailangan nating tulong para makaagapay,” ani Vergeire.
Sa ngayon ay may diskusyon pa sa kung ano ang kuwalipikasyon para maging contact tracers at kung sa suweldo naman ang usapin ay babatay ito sa ilalim ng civil service laws.
Kamakailan, ay sinabi ni Finance Secretary Carlos Dominguez na kailangan ng contract tracers ang bansa at nasa 1.2 hanggang 1.5 milyon ang nawalan ng trabaho.
- Latest
