3 bills na may kaugnayan sa pagtugon ng bansa sa COVID-19, inaprubahan ng Kamara
MANILA, Philippines — Tatlong panukalang batas na may kaugnayan sa pagtugon ng bansa sa COVID-19 ang inaprubahan kahapon ng Kamara.
Sa isasagawang sesyon inaprubahan ng special House panel on coronavirus ang panukalang P548-billion Philippine Economic Stimulus Act (Pesa) at ang Financial Institutions Strategic Transfer (FIST) Act.
Ayon kay House Majority Leader Martin Romualdez, maaaprubahan din ang panukala na magpapataw ng parusa sa sinumang sangkot sa diskriminasyon sa mga tinamaan ng COVID-19 o hinihinalang meron nito, gayundin ang mga health-care workers at iba pang frontliner.
Inaprubahan din ang P1.3 trilyong Economic Stimulus Act hanggang 2023 upang ibangon ang ekonomiya at protektahan ang mamamayan lalo na ang mga medical frontliners kaugnay ng matinding epekto ng krisis sa COVID 19 sa bansa.
Ayon kay House Majority Leader at Leyte Rep. Martin Romualdez, Co-Chairperson ng DCC at Speaker Alan Peter Cayetano, iba’t-ibang cluster ng DCC ang nagtrabaho ng husto para matugunan ang pagbagsak ng ekonomiya at tiyakin ang kaligtasan ng mamamayan na mabigyang proteksyon laban sa outbreak.
- Latest
