4 PUIs sa Ilocos Sur namatay

MANILA, Philippines — Apat na persons under investigation (PUIs) sa COVID-19 ang nasawi bago pa man lumabas ang resulta ng pagsusuri ng Department of Health sa kanila sa lalawigan ng Ilocos Sur.

Hindi na tinukoy ni Governor Ryan Singson, ang petsa at dahilan ng pagkamatay ng apat na PUIs na unang nasa pangangalaga ng iba’t ibang health facilities sa Ilocos Sur. 

May 18 na naitalang PUI sa lalawigan, isa dito ang nagpositibo, apat ang nagnegatibo habang 13 pa ang naghihintay ng resulta ng kanilang COVID tests mula sa Research Institute for Tropical Medicine sa Manila.