Cabinet members nag-donate rin ng 75% ng kanilang sahod
MANILA, Philippines — Ibibigay ng mga miyembro ng Gabinete ang 75 percent ng kanilang buwanang sahod para sa mga programa ng gobyerno upang masugpo ang coronavirus disease 2019 sa bansa.
Ito ang inihayag ni Secretary to the Cabinet Karlo Nograles sa press briefing ng Inter-Agency Task Force for the Management of Emerging Infectious Diseases.
Ayon kay Nograles, nakikibahagi ang mga gabinete ni Pangulong Rodrigo Duterte sa bayanihan at pagtutulungan sa panahon ng krisis.
“Majority ng mga miyembro ng Gabinete ni Pangulong Duterte ay boluntaryong ibibigay ang malaking bahagi, 75% ng kanilang buwanang sahod upang ilaan sa mga programa ng gobyerno upang sugpuin ang COVID-19 sa loob ng panahong ipinapatupad ang Bayanihan law,” ani Nograles.
Ang Department Secretaries ay nasa ilalim ng Salary Grade 31 na mayroong buwanang sahod mula P262,000 hanggang P301,000.Ang Cabinet Secretaries ay binubuo ng 21 department heads at 32 cabinet level officials.
- Latest
