5 staff ng Ospital ng Sampaloc nahawa sa virus

MANILA, Philippines — Pansamantala munang isinara ang Ospital ng Sampaloc sa Maynila simula noong Sabado, April 4 makaraang limang staff nito ang nagpositibo sa coronavirus disease (COVID-19) habang 14 doktor, walong nurse at pitong administrative staff naman ang isinailalim sa isolation.

Sa anunsyo ng pamunuan ng ospital, ang hakbang na alinsunod sa kautusan ni Manila Mayor Isko Moreno ay upang mabigyan ng panahon ang mga doktor, nurse at iba pang health workers na makabawi mula sa pagkakasakit.

Layon din anila nitong makapaglaan ng panahon para sa mabusising disinfection sa ospital.

Kung kailangan ng konsultasyong Internal Medicine, Pedia, Obstetrics/Gynecology, Anesthesiology, Paanakan at Medico-Legal clearances ay maaaring magtungo sa Ospital ng Maynila Medical Center, Sta. Ana Hospital, Gat. Andres Bonifacio Memorial Medical Center, Justice Jose Abad Santos General Hospital at Ospital ng Tondo.