Foreigners pinayuhang manatili sa loob ng tinutuluyan
MANILA, Philippines — Habang ipinatutupad ang enhanced community quarantine, pinayuhan ng Bureau of Immigration (BI) ang mga dayuhang nananatili sa bansa na manatili sa kani-kanilang tinutuluyang bahay o hotel.
Ang pakiusap na ito ng BI ay dahil sa may ilang mga dayuhan na nagtutungo pa rin sa kanilang mga opisina para magsampa ng aplikasyon ng ekstensyon ng kanilang visa sa kabila ng ECQ.
Sinabi ni BI Commissioner Jaime Morente, pinadali na nila ang requirements sa mga dayuhan na nananatili sa bansa at pinapayuhan na huwag na muna silang magtungo sa mga tanggapan ng BI habang pinatutupad ang ECQ.
Pero, kapag natapos na aniya ang ECQ at hindi pa rin nakapag-aplay para sa visa extension sa loob ng 30 araw ay papatawan ng kaukulang multa ang mga dayuhan.
- Latest