National ID system sagot kontra COVID
MANILA, Philippines — Pinamamadali ni Senador Sherwin Gatchalian sa pamahalaan ang pagpapatupad ng national ID system upang mapabilis ang pagtugon sa mga kalamidad at pag-trace sa mga taong pinaghihinalaang nahawa ng mga nakakamatay na COVID-19.
Anya, sa ibang bansa na may mababang kaso ng COVID-19 tulad ng Taiwan ay ginamit ang kanilang national date para ma-trace ang mga tao nila na may travel history kaya simula pa lamang noong Enero ay inalerto na ng kanilang National Health Insurance Administration (NHIA) at National Immigration Agency ang database ng mga doktor para sa kanilang mga pasyenteng may travel history sa mga bansang may mataas na kaso ng COVID-19.
Gayundin umano sa Singapore na ginamit ang kanilang National Registration Identity Card (NRIC) para sa pagkolekta ng impormasyon para sa contract tracing at iba pang hakbang para labanan ang COVID-19.
“Matagal nang naipasa ang Philippine Identification System Act sa bansa kaya napapanahon na para gamitin ito bilang tugon sa mga emergency situations tulad ng krisis na nararanasan ngayon,” pahayag ni Gatchalian.
Dapat umanong tularan ng Pilipinas ang hakbang na ginawa ng Singapore at Taiwan kung paano ginamit ang kanilang national ID para mapigilan angp coronavirus outbreak.
- Latest