Pagsuot ng face mask ginawa nang mandatory sa luzon
MANILA, Philippines — Ipatutupad na ng gobyerno ang mandatory na pagsusuot ng face mask kapag lalabas ng bahay ang mga residente na nasa ilalim ng enhanced community quarantine (ECQ) dahil sa coronavirus disease 2019 (COVID-19).
Sinabi ni Cabinet Secretary Karlo Alexi Nograles, spokesman ng Inter-Agency Task Force on Infectious Diseases (IATF), ito ay para mapoprotektahan ang sarili at iba laban sa COVID-19.
“For areas placed under ECQ, the IATF hereby adopts the policy of mandatory wearing by all residents of face masks, earloop masks, indigenous, reusable or do-it-yourself masks, face shields, handkerchiefs, or such other protective equipment that can effectively lessen the transmission of COVID-19, whenever allowed to go out of their residences pursuant to existing guidelines issued by the national government,” ani Nograles.
Hinihikayat umano ng IATF ang mga concerned local government units (LGUs) na magpalabas ng executive order (EO) o ordinansa na nag-aatas na kinakailangan ang magsuot ng face mask.
Simula nang ipatupad ang enhanced community quarantine, hindi na rin nagpapapasok sa mga supermarkets at drug stores kung hindi nakasuot ng face mask.
- Latest
