DepEd official kumpirmado sa virus
MANILA, Philippines — Nagpahayag ng pangamba ang Department of Education (DepEd) na maraming naapektuhan at maaaring nahawa na mga esudyante at guro na dumalo ng kanilang pambansang patimpalak na ginanap sa Tuguegarao City, Cagayan at Ilagan City, Isabela matapos magpositibo sa COVID-19 ang isa nilang opisyal na nakasalamuha ng maraming delegado noong Marso 9-14.
Ito ang malungkot na pahayag ng kagawaran na ipinalabas sa kanilang social media account na DepEd Phil. kahapon.
Ayon sa DepEd, nagpositibo sa impeksiyon noong Marso 25 ang tinukoy na opisyal na isang lalaki na mula Mandaluyong City na may malaking papel sa paghahanda at pagdaraos ng National Secondary Press Conference (NSPC) sa Tuguegarao City at National Festival of Talents (NFOT) sa Ilagan City na dinaluhan ng libu-libong mag-aaral, guro at mga magulang.
Hindi itinanggi ng DepEd ang mga report na mayroong mga nakadama ng sintomas sa kanilang participants bunga ng pakikipaghalubilo sa opisyal.
- Latest