2 ginang tiklo sa pagbebenta ng ‘overpriced’ alcohol
MANILA, Philippines — Dalawang ginang na nagbebenta ng sobrang taas ng presyo ng alcohol ang naaresto sa isang entrapment operation sa Las Piñas City kamakalawa.
Ang dalawang naarestong suspek ay kinilalang sina Jeaven Jean Gloria, 30; at Rica Rose Bag-Ao, 31.
Sa ulat, ikinasa ng PNP-Las Piñas Intelligence Section at Special Operations Unit ang follow-up operation laban sa dalawang suspek na pagbebenta ng Green Cross Sanitizers at sprays na doble ang halaga sa standard price nitong Marso 21, alas-5:40 ng hapon sa 1086 S. Marquez St., Gatchalian Subdivision, Brgy. Manuyo Dos.
Nang inaaresto ay pumalag pa umano ang dalawang ginang kaya’t bukod sa kaso ng pagbebenta ng mataas na presyo ng produkto ay sinampahan din ng resisting arrest at disobedience.
- Latest