3 bata natupok sa sunog

MANILA, Philippines — Nasawi ang tatlong magkakapatid nang makulong sa loob ng nasusunog nilang bahay sa Brgy. Camanga, Dumalinao, Zamboanga del Sur, kahapon ng umaga. 

Ang nasawing mga biktima ay kinabibilangan ng isang 8-anyos na batang babae at dalawa nitong kapatid na nagkakaedad 4 at 3. Ayon sa ulat, alas-9:00 ng umaga nang mangyari ang insidente sa bahay ng mga bata sa Purok Talaba, Brgy. Camanga, Dumalinao matapos umalis ang kanilang mga magulang na sina Bimbo at Maritess Bitzusa upang may bilhin sa palengke.

Sa pahayag ng kapitbahay ng mga biktima, nagulantang na lamang sila nang makitang nilalamon ng apoy ang bahay ng mga bata na ang pinto sa loob ay naka-lock kaya’t nabigong mailigtas ang mga ito dahil sa nababalutan na ng apoy ang buong bahay.