Kamara sinulatan ang NTC na bigyan ng provisional authority permit to operate ang ABS-CBN
MANILA, Philippines — Kahit nakatakdang mapaso ang prangkisa ng ABS-CBN sa darating na Mayo 4, 2020 ay sinulatan na ng Kamara para pakiusapan ang National Telecommunications Commission (NTC) na bigyan ng provisional authority to operate ang ABS-CBN.
Base sa liham nina House Speaker Alan Peter Cayetano at Committee on Legislative Franchises chair Franz Alvarez sa NTC hiniling nila na payagan ang ABS-CBN na makapag-operate hanggang sa makabuo ng desisyon ang Kongreso sa franchise renewal application ng naturang media giant.
Ipinaabot din ng Kamara sa NTC na kanila nang nasimulan ang deliberasyon sa franchise renewal application ng ABS-CBN, at inatasan din ang lahat ng mga pabor at tutol na magsumite ng kanilang position paper.
Nakasaad din sa liham na tanging ang Kamara lamang ang may “exclusive original jurisdiction and authority” sa pagbibigay ng prangkisa.
Pero, sinabi ni Cayetano uunahin muna ng Kamara ang pagproseso sa ilang mas mahalagang panukalang batas tulad ng rehabilitasyon sa Batangas, prevention sa pagkalat ng COVID-19, pagtatag ng Department of OFW at Disaster Resilience at marami pang iba.
- Latest
