Tatay patay, lover kritikal sa taga ng anak na may sayad
MANILA, Philippines — Idineklarang dead on arrival ang isang 70-anyos na ama habang nasa kritikal na kalagayan ang ka-live-in partner nito matapos na sila ay pagtatagain ng kanilang anak na may sayad habang natutulog, naganap kamakalawa sa Sitio Salag, Brgy. Pawikan, Cataingan, Masbate.
Ang nasawi ay kinilalang si Romulo Quiapo Aliño habang sa Masbate Provincial Hospital inilipat dahil sa maselang lagay ang kinakasamang si Virginia Villanueva Sullano, 64.
Arestado naman ng mga pulis ang suspek na si Roque Macarit Aliño, 33, may-asawa, magsasaka at sinasabing may sakit sa pag-iisip.
Sa ulat, alas-2:30 ng madaling araw ay natutulog sa loob ng kanilang bahay ang mga biktima nang pasukin sila ng suspek na armado ng itak at walang sabi-sabi na sila ay pinagtataga sa iba’t ibang parte ng katawan.
- Latest