3 katao timbog sa P3.4-M shabu
MANILA, Philippines — Tatlong drug suspek ang naaresto ng mga otoridad at nakumpiska ang nasa P3.4 milyong halaga ng shabu sa isang buy-bust operation sa Novaliches, Quezon City, kamakalawa.
Kinilala ang mga suspek na sina Karen Leal, alyas “Michelle”, 32; John Rhens Timing, 20; at Jason Ymalay, 26, pawang residente ng Novaliches.
Sa ulat, dakong alas-4:30 ng madaling araw nang maaresto ang mga suspek sa harapan ng isang convenience store sa Brgy. Kaligayahan, Novaliches.
Bago ito ay nakatanggap ng tip ang mga otoridad hinggil sa ilegal na aktibidad ng mga suspek kaya’t kaagad na nagkasa ng operasyon kung saan isang pulis ang nagpanggap na poseur buyer.
Nang makabili ng kalahating milyong halaga ng shabu mula sa mga suspek ay kaagad nang isinagawa ang pag-aresto sa mga ito at nakumpiska ang nasa kalahating kilo ng shabu na may street value na P3.4 milyon.
- Latest
