Apat na Malaysian na kinidnap, nasagip
MANILA, Philippines — Apat na Malaysian national na kinidnap sa isang POGO hub sa San Pedro, Laguna ang nasagip ng mga operatiba ng Philippine National Police-Anti Kidnapping Group (PNP-AKG).
Ang mga nasagip ay kinilalang sina Tan Hang Yi; Khoo Soon Chiang; Cheam Chun Keat; at Jonathan Ting Zhi Haw.
Sa imbestigasyon, alas-4:00 ng hapon noong Sabado nang magsagawa ng rescue operation sa #1 J. Sotto St. Chrysanthemum Villa brgy. Chrysanthemum, San Pedro Laguna ang mga PNP-AKG nang makatanggap ng e-mail mula sa PCTB Interpol NCB Manila na humihingi ng tulong para ma rescue ang mga biktima.
Natunton ng mga otoridad ang mga biktima na dinala sa isang Philippine Offshore Gaming Operation (POGO) at dito ay naaresto ang 10 armadong kalalakihan na pinangungunahan umano ng isang Chinese.
Nabatid na tinatakot at nanghihingi umano ng ransom ang mga suspek sa mga biktima para sa pansamantala nilang kalayaan.
- Latest
