Chinese na nandura sa pulis kinasuhan
MANILA, Philippines — Sinampahan ng patung-patong na kaso ang isang Chinese national na naaresto kamakalawa sa panulukan ng Tayuman at Abad Santos Maynila dahil sa mga paglabag.
Nabatid, na alas-2:30 ng hapon nang dalhin sa Manila Prosecutors Office si Zhou Zhi Yi, 50 at kasuhan ng paglabag sa Dangerous Drugs Act, Direct Assault to the Person of Authority at Unjust Vexation.
Magugunita na si Zhou ay hinarang ng mga tauhan ng Manila Traffic Parking Bureau (MTPB) sa Binondo dahil sa paglabag sa number coding hanggang sa pinaharurot ang kanyang Toyota Fortuner at masukol sa panulukan ng Tayuman, Abad Santos.
Nakuhanan si Zhou ng ilang pakete ng shabu at dinuraan din nito ang pulis na umaresto sa kanya.
Nakipag-ugnayan na rin ang MPD sa Chinese Embassy at Bureau of Immigration upang mabatid kung may iba pang kaso ang suspek at para makakuha ng iba pang detalye.
- Latest
