Bata nagpositibo sa coronavirus
Mula Wuhan, China bumiyahe sa Cebu City
MANILA, Philippines — Inihayag ng Department of Health (DOH) na isang bata na mula China na kung saan mataas ang kaso ng SARS ay nagpositibo sa coronavirus habang ito ay nasa Pilipinas.
Ang 5-anyos na batang lalaki mula sa Wuhan, China ay dumating sa Cebu noong Enero 12 upang mag-aral ng English.
Ayon kay Dr. Ferchito Avelino, director ng DOH Epidemiology Bureau na naka-confined na ang bata sa isang ospital sa Cebu.
Batay sa samples na nakuha sa bata, ito ay nakaranas ng lagnat, pangangati ng lalamunan at pag-ubo ay negatibo sa MERS-COV at SARS, subalit nagpositibo sa “non-specific coronavirus”.
Sinabi naman ni Health Secretary Francisco Duque III na ang coronavirus ay isang uri ng ginagawang test na siyang magde-detects ng anumang coronavirus, pero hindi nito maa-identify ang particular strain.
Ayon naman sa World Health Organization (WHO) ang Coronavirus ay kabilang sa malaking pamilya ng mga virus na nagsisimula sa simpleng ubo hanggang sa mapunta sa malalang sakit tulad ng Middle East Respiratory Syndrome (MERS-CoV) at Severe Acute Respiratory Syndrome (SARS).
Ipinadala na ang specimen ng batang pasyente sa mga espesyalista sa Australia upang malaman kung anong coronavirus strain ang dala.
Nasa maayos nang kondisyon ang bata, subalit patuloy pa itong nakakaranas ng mga pag-ubo.
Minomonitor na rin ng DOH ang tatlong indibidwal mula China na nakakaranas din ng sintomas ng pag-ubo nang dumating ang mga ito sa Kalibo airport, Aklan.
- Latest
