Customs nasabat ang P.7-M liquid marijuana
MANILA, Philippines — Tinatayang aabot sa P700,000 halaga ng 330 cartridge liquid marijuana ang nasamsam ng mga tauhan ng Bureau of Customs-NAIA sa Pasay City sa magkakahiwalay na cargo air parcels, mula sa iba’t ibang bodega ng NAIA.
Iprinisinta sa media ang nasa 11 packages na naglalaman ng liquid marijuana na nadiskubre sa ginawang pagsasala ng tauhan ng Customs sa air parcels.
Agad nakipag-ugnayan sa Philippine Drug Enforcement Agency (PDEA) at NAIA Inter-Agency Drug Interdiction Task Group ang Customs matapos kumpiskahin.
Iginiit ng Customs na noon pang taong 2015 nang magbigay ng advisory ang PDEA na ilegal ang importasyon ng “Hempseed” at Canabidoil” , alinsunod sa probisyon sa Republic Act 9165 o Comprehensive Dangerous Drugs Act of 2002 at RA 10863 o Customs Modernization and Tariff Act.
- Latest
