Mag-asawa, 3 tauhan tiklo sa buy-bust
MANILA, Philippines — Isang mag-asawa at tatlong galamay ng mga ito na sinasabing kilabot na ‘tulak’ ng droga ang dinakma ng mga otoridad nang masakote sa isinagawang buy-bust operation sa Quezon City, kahapon ng madaling araw.
Himas-rehas na ngayon ang mag-asawang sina Columbus Creselcio, alyas “Boyet”, 57 at misis nito na si Rosalie Creselcio, 55.
Gayundin ang tatlong tauhan ng mag-asawa na sina Augusto Rodriguez alyas “Ogo”, 49; Rodelio Pellazo, 46; at John Cerma Del Rosario, 21 na pawang residente ng Brgy. Sauyo, Novaliches, Quezon City.
Ayon sa ulat ng pulisya, dakong alas-2:00 ng madaling araw nang dakipin ang mga suspek sa No. 74 Saint Luke St., San Paulo Subd., Brgy. Nagkaisang Nayon, Novaliches.
Nakuha sa mag-asawa ang walong sachets ng shabu na nagkakahalaga ng P27, 200, isang cell phone na ginagamit sa drug transaction, buy-bust money at mga drug paraphernalia.
Nahaharap ngayon sa kasong paglabag sa RA 9165 o Comprehensive Dangerous Drugs Act of 2002 ang mga suspek habang sila ay nakakulong sa QCPD Intergrated Jail.
- Latest
