Pulis na nabaril ng mga holdaper, namatay na
MANILA, Philippines — Binawian na ng buhay ang isang pulis Maynila na nabaril nang makaengkuwentro ang dalawang holdaper sa Sta. Cruz, Maynila matapos ang apat na araw sumailalim sa medical treatment.
Sa ulat ni MPD-Homicide Section chief, P/Captain Henry Navarro, kamakalawa alas-3:15 ng hapon nang pumanaw na sa Jose Reyes Memorial Medical Center (JRMMC) si P/Corporal Edgil Bombase, nakatalaga sa MPD-Station 3 na tinamaan ng apat na bala sa tiyan na tumama sa kaniyang atay.
Matatandaang noong Disyembre 11 nang mapatay din ang nakaengkwentro ni Bombase na si Rodel Vicente y Antonell, 33, ng no. 1555 Antipolo St. Sta. Cruz, Maynila at ang kasamahan nitong nakatakas ay napatay din sa dragnet operation nang manlaban.
Nakatanggap ng P300,000 financial assistance mula sa local government ang pamilya ni Bombase.
- Latest