2 tiklo sa P6.8 milyong shabu sa Maynila

MANILA, Philippines – Dalawang lalaki na umano’y drug pusher ang naaresto sa isang buy-bust operation sa Port Area, Maynila, kahapon ng hapon na kung saan ay nasamsam ang nasa isang kilo ng shabu.

Kinilala ang dalawang suspek na sina Hairodin Kasim at Norhan Palaguan, kapwa nasa hustong gulang.

Sa ulat, alas-2:00 ng hapon nang salakayin ng PDEA-CALABARZON ang isang bahay sa Roberto Oca Sr. St., Port Area, Maynila na umano ay bagsakan ng illegal drugs ng dalawang naares­tong suspek.

Ayon sa PDEA, high grade ang nasabing shabu na aabot ang halaga sa P6.8 milyon na nakasilid pa sa tea bags.

Nabatid na dalawang linggong isinailalim sa surveillance ang aktibidad ng mga suspek at nang magpositibo ay isinagawa ang buy-bust operation.