3 nakamotor dedo sa SUV
MANILA, Philippines — Patay ang tatlong katao matapos na araruhin ng isang SUV ang dalawang motorsiklo sa kahabaan ng national highway KM 39, Brgy. Napacao, Siaton, Negros Oriental, kamakalawa ng gabi.
Ang mga nasawi ay kinilalang sina Gregorio Encabo Jr., 53, ng Bayawan City, driver ng Honda XRM motorcycle at backrider nitong si Nenito Rebotazo, 61, ng Sta. Catalina at Jayson Gaitera Ajer, 22, ng Siaton na driver naman ng Yamaha Mio motorcycle.
Sa ulat, bago nangyari ang sakuna sa nasabing lugar, alas-8:30 ng gabi ay kasalukuyang bumabagtas sa nasabing lugar ang dalawang motorsiklo na patungo sa katimugang bahagi ng salpukin ng kasalubong na SUV vehicle na pag-aari ng munisipyo ng bayan ng Siaton na minamaneho ni Anthony Egera, 45, ng Brgy. Inalad ng Siaton ng lalawigang ito na nagtangkang mag-overtake.
Boluntaryo namang sumuko sa pulisya si Egera na nagtamo lamang ng bahagyang gasgas sa insidente upang panagutan ang insidente.
- Latest
