Kagawad na baon sa utang, itinumba
MANILA, Philippines — Dead on the spot ang isang 47-anyos na barangay kagawad nang ito ay barilin sa ulo ng isang hindi pa kilalang lalaki habang nangungutang sa tindahan sa Purok Ramos, Brgy. San Luis, Gingoog City, kamakalawa.
Ang nasawi ay kinilalang si Alexander Militante Mandamento, residente ng barangay.
Sa ulat, alas-12:00 ng tanghali ay nangungutang ang biktima sa tindahan ng kanilang barangay treasurer na si Reynaldo Ariola nang lapitan ng isang lalaki na nakamaskara at walang kaabog-abog na binaril sa ulo na agad nitong ikinamatay.
Hinala ng pulisya na posibleng pagkabaon sa utang na hindi nababayaran ng biktima ang motibo ng pagpatay sa kanya.
- Latest