Mister na magpapa-check up, tepok sa salpok
MANILA, Philippines — Isang 57-anyos na lalaki na papuntang ospital para magpa-check up ang nasawi matapos na sumalpok ang minamaneho nitong kotse sa isang kotse kahapon ng umaga sa Palico diversion road, Brgy. Palico 4, Imus City,Cavite.
Kinilala ang nasawing si Joel Dado, may-asawa, residente ng Blk. 5, Lot. 15A, Mandel St. Parkdale 1 Brgy. Mambog 5, Bacoor City, Cavite.
Nasa kustodiya ng pulisya ang driver ng Hyundai na si Joseph De Guzman, 40, may-asawa, residente ng Happy Homes, Brgy. Buhay na Tubig, Imus City Cavite.
Sa ulat, bago nangyari ang insidente, alas-9:00 ng umaga ay sakay ang biktima ng kanyang Mitsubishi Pajero wagon (TNE 974) na bumabagtas sa Palico diversion road Brgy. Palico 4 at para magtungo sa MCI Hosptal upang magpa-check up ng sakit nito sa puso.
Habang bumabagtas ay bigla itong sinumpong ng paninikip ng dibdib dahilan para mawalan ng kontrol sa manibela at nasalpok ng paparating na Hyundai Accent Sedan (TIX 696) na minamaneho ni De Guzman at naipit ang biktima.
Nang maialis sa pagkakaipit ay itinakbo sa MCI Hospital subalit idieklarang dead on arrival.
- Latest
