3 drug pusher timbog sa P34 milyong shabu
MANILA, Philippines — Nasakote nang pinagsanib na elemento ng Armed Forces of the Philippines, Philippine National Police, at Philippine Drug Enforcement Agency ang tatlong pinaghihinalaang drug traffickers at nasamsam sa mga ito ang nasa P34-M halaga ng shabu sa operasyon sa lalawigan ng Taw-Tawi kahapon ng umaga.
Kinilala ang mga naarestong suspek na sina Haberson Jaafar, Elmer Jamadin at Adzfar Asalin ng Brgy.Poblacion, Bongao, Tawi-Tawi.
Sa ulat, bandang alas -8:30 ng umaga ay nagsagawa ng operasyon ang pinagsanib na elemento ng Marine Battalion Landing Team (MBLT) 9, PDEA-Tawi-Tawi, Bangsamoro Autonomous Region in Muslim Mindanao (BARMM) Zamboanga, Tawi-Tawi Provincial Police Office at Bongao Police laban sa mga drug traffickers at nakumpiska ang nasa mahigit kumulang na 5 kilo ng shabu na may estimated market value na P34 milyon.
- Latest