Malacañang kay Aquino: ’Wag nang makisawsaw sa isyu ni VP Robredo
MANILA, Philippines — Kaysa makisawsaw sa isyu ng kinasasangkutan ni Vice President Leni Robredo ay mas marami pang dapat na atupagin si dating Pangulong Noynoy Aquino.
Ito ang naging reaksiyon ng Malacañang sa naging pahayag ng dating Pangulo na nagsabing bakit pa itinalaga si Robredo bilang co-chair ng ICAD kung hindi rin pala ito pagtitiwalaan.
Ayon kay Presidential Spokesman Salvador Panelo, mas maigi marahil sa dating chief executive kung ang pagtuunan na lamang nito ng pansin ay ang kinakaharap na kaso nito sa Sandiganbayan at huwag ng makihalo sa usaping may kinalaman sa problema sa iligal na droga.
Mistulang nalilimutan na umano ng dating Pangulo na sa kanyang administrasyon lumala ang problema sa ipinagbabawal na gamot at ito ay bunga na rin ng kawalang atensiyong iniukol nito sa naturang suliranin.
Bukod sa mga asuntong kinakaharap, idinagdag ni Panelo na mabuting pag-ukulan na lang din ng atensiyon ni Aquino ang kanyang kalusugan.
- Latest
