PRRD makikialam kapag nagkaproblema sa speakership term sharing
MANILA, Philippines — Nakatakdang resolbahin ni Pangulong Rodrigo Duterte kung sakaling magkaroon ng problema sa napagkasunduang term sharing sa speakership nina House Speaker Alan Peter Cayetano at Marinduque Rep. Lord Allan Velasco.
Sinabi ng Pangulo na magiging problema kung hindi igagalang ni Cayetano ang term sharing agreement.
Una nang nagpahiwatig ang mga kaalyado ni Cayetano na dahil sa mataas na ratings ng speaker ay mas susuportahan nila itong manatiling lider ng Kamara.
Magugunitang sina Cayetano, Velasco, at Leyte Rep. Martin Romualdez ay nagpahayag noon ng kagustuhang maging speaker hanggang mamagitan ang Pangulo at nabuo ang term-sharing sa pagitan nina Cayetano at Velasco kung saan sa unang 15 buwan si Cayetano habang ang nalalabing 21 buwan sa 18th Congress naman ay para kay Velasco habang si Romualdez ang magiging majority leader.
- Latest